ရုရှားနဲ့ သဘောတူညီချက်တွေဟာ နှစ်အတန်ကြာ ရပ်တန့်နေခဲ့ပါတယ်။ ဒါပေမယ့် ၂၀၀၇ မေလမှာ ရုရှားနူကလီးယား အေဂျင်စီ Rosatom က နူကလီးယားသုတေသန ဓါတ်ပေါင်းဖိုတစ်ခု တည်ဆောက်မယ့်အကြောင်း ကြေငြာခဲ့ပါတယ်။ ဒီဓါတ်ပေါင်းဖိုမှာ ပလူတိုနီယံအစား စွမ်းအားနိမ့် ယူရေနီယံကို အသုံးပြုမှာဖြစ်တယ်လို့ ဆိုပါတယ်။ ၂၀၀၁ ခုနှစ် သဘောတူညီချက်ရဲ့ ကနဦးအဖြစ် စစ်တပ်က အများစုပါဝင်တဲ့ မြန်မာလူမျိုး ၃၅၀ လောက်ကို ရုရှားမှာ လေ့ကျင့်ပေးခဲ့ပါတယ်။ အဲဒီနောက်ပိုင်းမှာတော့ ရာနဲ့ချီပြီး ရုရှား တက္ကသိုလ်တွေမှာ လေ့ကျင့်ပေးနေပါတယ်။

၂၀၀၇ မေ ၁၅ ရက်နေ့မှာ ဦးသောင်းနဲ့ Rosatom ရဲ့ အကြီးအကဲ Sergey Kiriyenko တို့ဟာ မော်စကိုမှာ သဘောတူညီချက်တစ်ခုကို လက်မှတ်ထိုးခဲ့ကြပါတယ်။ မြန်မာပြည်တွင်းမှာ နူကလီးယားလေ့လာရေး စင်တာတစ်ခု တည်ထောင်ဖို့ နှစ်ဖက်စလုံးက သဘောတူညီကြပါတယ်။ (ဒီပရောဂျက်ရဲ့ ကန်ထရိုက်တာက Atomstroyexport ဖြစ်မှာပါ) ဒီစင်တာမှာ စွမ်းအား ၂၀ ရာခိုင်နှုန်းရှိ ယူရေနီယံ-235 အသုံးပြုမယ့် ၁၀ မဂ္ဂါဝပ် ရေပေါ့သုံး ဓါတ်ပေါင်းဖိုတစ်လုံး၊ Activation analysis ဓါတ်ခွဲခန်းတစ်ခု၊ ဆေးဘက်ဆိုင်ရာ အိုင်ဆိုတုပ် ထုတ်လုပ်ရေး ဓါတ်ခွဲခန်းတစ်ခု၊ Silicon ပေးသွင်းဖို့ စနစ်တစ်ခု၊ နူကလီးယားစွန့်ပစ်ရေ သန့်စင်စနစ်တစ်ခုနဲ့ စွန့်ပစ်ပစ္စည်းတွေမြုတ်နှံဖို့ တွေပါဝင်မယ်လို့ ဆိုပါတယ်။ ဒီစင်တာဟာ IAEA နိုင်ငံတကာ အနုမြူအေဂျင်စီရဲ့ ထိန်းချုပ်ကွပ်ကဲမှုအောက်မှာ ရှိမယ်လို့ ဆိုပါတယ်။

အဲဒီလို ကြေငြာခဲ့ပေမယ့်လည်း International Atomic Energy Agency (IAEA) က ၂၀၀၇ မေ ၁၇ ရက်နေ့က သတင်းထုတ်ပြန်ရာမှာ မြန်မာပြည်ဟာ နူကလီးယား ဓါတ်ပေါင်းဖိုတည်ဆောက်ဖို့ကိစ္စကို သတင်းပေးခဲ့ခြင်းမရှိဘူးလို့ ဖော်ပြခဲ့ပါတယ်။ နူကလီးယား မပြန့်ပွားရေး စာချုပ်မှာ လက်မှတ်ရေးထိုးထားတဲ့ နိုင်ငံတစ်ခုအနေနဲ့ မြန်မာနိုင်ငံဟာ ဘယ်နူကလီးယား အဆောက်အဦကိုမဆို စစ်ဆေးခံဖို့ ခွင့်ပြုရမှာဖြစ်ပါတယ်။

စောစောက သဘောတူညီချက်မှာ မြောက်ကိုရီးယားကို ထည့်သွင်းပြောဆိုခြင်းမရှိပါဘူး။ ဒါပေမယ့် ၂၀၀၃ နိုဝင်ဘာမှ နော်ဝေအခြေစိုက် ဒီမိုကရက်တစ်မြန်မာ့အသံက မြန်မာစစ်တပ်အရာရှိ ၈၀ ဟာ နူကလီးယားစွမ်းအင် နည်းပညာလေ့လာဖို့ မြောက်ကိုရီးယားကို ထွက်ခွာသွားကြောင်း သတင်းပေးခဲ့ပါတယ်။

သတင်းဇစ်မြစ်က မတိကျတဲ့အတွက် ဒီသတင်းကို အခုထိ အတည်မပြုနိုင်သေးပါဘူး။ တကယ်လို့သာ မြန်မာစစ်သားတွေ မြောက်ကိုရီးယားကို သွားခဲ့တယ်ဆိုရင် ဒုံးပျံတွေကို ထိမ်းသိမ်းဖို့ လေ့ကျင့်သင်ကြားဖို့သာ ဖြစ်ဖို့များပါတယ်။ မြန်မာစစ်အစိုးရဟာ မြောက်ကိုရီးယားဆီက ဒုံးပျံတွေကို ၀ယ်ယူချင်နေပါတယ်။ အခုထိတော့ အကောင်အထည်ပေါ်မလာသေးပါဘူး။

၂၀၀၈ သြဂုတ်လမှာတော့ အချက်ပေးသံတွေ မြည်လာပါတယ်။ အိန္ဒိယက သူ့ရဲ့ လေပိုင်နက်အပေါ်ကနေ အီရန်ကိုသွားတဲ့ မြောက်ကိုရီးယား လေယဉ်တွေကို ပျံသန်းခွင့်မပေးတော့ပါဘူး။ မြောက်ကိုရီးယားလေယဉ်တွေဟာ အီရန်ကို မသွားခင် မန္တလေးမှာ ခရီးတစ်ထောက်နားပါတယ်။ အမျိုးအမည်မသိရတဲ့ ကုန်ပစ္စည်းတွေတင်ဆောင်လာတဲ့ ကုန်တင်လေယဉ် Ilyushin-62 ဟာ မန္တလေးမှာ ရပ်နားပြီး ဘယ်ဆက်သွားမယ်ဆိုတာကို ဘယ်သူမှသေချာမသိရပါဘူး။

မြန်မာ၊ ရုရှား၊ မြောက်ကိုရီးယားနဲ့ အီရန်တို့ရဲ့ ပူးပေါင်းနေမှုသတင်းတွေဟာ မြန်မာပြည်က ထွက်ခွာလာကြတဲ့ မြန်မာလူမျိုးတစ်ဦး၊ စစ်တပ် အရာရှိတစ်ဦးနဲ့ သိပ္ပံပညာရှင်တစ်ဦးတို့ဆီက ရတဲ့သတင်းတွေ ဖြစ်ပါတယ်။ သူတို့အဆိုအရဆိုရင် ရုရှားကထောက်ပံ့ထားတဲ့ ၁၀ မဂ္ဂါဝပ် နူကလီးယားဓါတ်ပေါင်းဖိုဟာ ပခုက္ကူမြောက်ဖက် မြိုင် မှာရှိတယ်လို့ ဆိုကြပါတယ်။ ဒါပေမယ့် ဘက်ပြောင်းလာကြတဲ့ သူတစ်ချို့အဆိုအရ ပြင်ဦးလွင်အနီးမှာ နောက်ထပ် ဓါတ်ပေါင်းဖိုတစ်ခု ရှိသေးတယ်လို့ ဆိုကြပါတယ်။ ရုရှားလူမျိုးသုံးဦး အဲဒီမှာ ရှိနေပြီး မြောက်ကိုရီးယား အချို့လည်း ဥမင်လှိုင်ခေါင်းတည်ဆောက်ခြင်းနဲ့ ရေအေးပေးစနစ်တွေ တည်ဆောက်ရာမှာ ပါဝင်နေတယ်လို့ သိရပါတယ်။ ၂၀၀၇ ခုနှစ်မှာ Mushavi လို့ပဲ သိကြတဲ့ အီရန်ထောက်လှမ်းရေး အရာရှိတစ်ယောက်ဟာ ၂၀၀၇ ခုနှစ်မှာ မြန်မာပြည်ကို လာရောက်ခဲ့တယ်လို့လည်း အခိုင်အမာပြောဆိုကြပါတယ်။ သူဟာ နူကလီးယား နည်းပညာတွေ ဝေမျှခဲ့တဲ့အပြင် ကွန်ပျူတာထိန်းချုပ်တဲ့ ဒုံးပျံစနစ် နဲ့ပတ်သတ်တဲ့ အကြံဥာဏ်တွေလည်း ပေးသွားတယ်လို့ ဆိုကြပါတယ်။

မြန်မာပြည်မှာ ယူရေနီယံထွက်တဲ့နေရာတွေရှိပါတယ်။ စွမ်းအင်ဝန်ကြီးဌာနက ယူရေနီယံရိုင်းထွက်ရှိတဲ့ နေရာ ငါးနေရာကို တွေ့ရှိထားပါပြီ။ အားလုံးဟာ အဆင့်နိမ့်သူရေနီယံတွေဖြစ်ပြီး စစ်ရေးအသုံးအတွက်တော့ မသင့်တော်ပါဘူး။ ဒါပေမယ့် ဘက်ပြောင်းလာသူတွေ အဆိုအရ တရားဝင် သတင်းထုတ်ပြန်မထားတဲ့ ယူရေနီယံမိုင်း နှစ်ခုရှိသေးတယ်လို့ ဆိုပါတယ်။ တစ်ခုက ကချင်ပြည်နယ် မိုးညှင်းမှာဖြစ်ပြီး တစ်ခုကတော့ မန္တလေးတိုင်း မိုးကုတ် တစ်ဝိုက်မှာ ဖြစ်တယ်လို့ ဆိုပါတယ်။ ဒီနေရာနှစ်ခုက ယူရေနီယံရိုင်းတွေကို အဲဒီနေရာနှစ်ခုကြားမှာရှိတဲ့ သပိတ်ကျင်း သန့်စင်စက်ရုံကို ပို့ပေးနေပါတယ်။

ဒီသတင်းတွေ အတည်မပြုနိုင်ခင် ဒါမှမဟုတ် မချေပနိုင်ခင်အထိတော့ ထင်မြင်မှန်းဆချက်တွေကတော့ ရှိနေဦးမှာပါပဲ။ ဒါပေမယ့် မြန်မာနိုင်ငံသာ နူကလီးယားပိုင်ဆိုင်သွားခဲ့ရင် အိမ်နီးချင်းတိုင်းပြည်တွေအတွက် အိပ်မက်ဆိုးတွေ ဖြစ်လာနိုင်ပြီး ဒေသတွင်း ပါဝါချိန်ခွင်လျှာလည်း မတည်မငြိမ် ကပြောင်းကပြန် ဖြစ်သွားနိုင်ပါတယ်။ ဒီအချက်တွေအရတော့ မြန်မာပြည်မှာ နူကင်္လယား အစီအစဉ်ရှိတယ်ဆိုတာ သေချာနေပါတယ်။ မြန်မာဟာ နူကလီးယားလက်နက် ပိုင်ဆိုင်လာဖို့ နှစ်ပေါင်း အတန်ကြာချင်ကြာနိုင်ပါတယ်။ ဒါပေမယ့် မြန်မာစစ်ခေါင်းဆောင်တွေ နူကလီးယားနဲ့ လက်တည့်စမ်းကစားချင်နေတဲ့အချက်က စိုးရိမ်ပူပန်စရာ အကြောင်းရင်းဖြစ်ပါတယ်။

YaleGlobal, 3 December 2008 မှာ ဖော်ပြထားတဲ့ Bertil Lintner ရဲ့ ဆောင်းပါးဖြစ်ပါတယ်။ အချို့နည်းပညာဆိုင်ရာ စကားလုံးတွေမှာ မှားယွင်းချွတ်ချော်ခဲ့ရင် ကျနော့်ရဲ့ အားနည်းချက်သာဖြစ်ပါတယ်။