ကမ္ဘာမကြေ ဗမာပြေ။
ဒို့ဘိုးဘွားအမွေအနှစ်မို့ ချစ်မြတ်နိုးပေ။
ပြည်ထောင်စုကို အသက်ပေးလို့
ဒို့ကာကွယ်မလေ …။
ဒါဒို့ပြေ ဒါဒို့မြေ ဒို့ပိုင်တဲ့မြေ။
ဒို့ … ပြေ …။
ဒို့ … မြေ …။
အကျိုးကို ညီညာစွာ ဒို့ တတွေ…
ထမ်းဆောင်ပါစို့လေ…။
ဒို့တာဝန်ပေ …
အဖိုးတန် … မြေ။

ဒီအဖိုးတန်မြေပေါ်မှာ လူ့အဆင့်အတန်းမှီမှီ၊ လူပီပီသသ၊ လူ့အခွင့်အရေးတွေ အပြည့်အ၀ရဖို့ တိုက်ပွဲဝင်ခဲ့ကြတာ အနှစ် ၂၀ ပြည့်ခဲ့ပါပြီ။ ဒီအရေးတော်ပုံကြီုး တစ်လျောက်မှာ အသက်ပေးခဲ့ကြရတဲ့ တက္ကသိုလ်ကျောင်းသား နောင်တော်၊ အစ်မတော်တွေ၊ ညီအစ်ကို၊ ညီအစ်မတွေရဲ့ သွေးတွေလဲ ကံ့ကော်ပန်းတွေပွင့်ရာ မြကျွန်းသာမှာ မခြောက်သေးပါဘူး။ ကံ့ကော်ရနံ့တွေကြားထဲမှာ၊ အဓိပတိ လမ်းမပေါ်မှာ ကျောင်းသားကျောင်းသူတွေရဲ့ သွေးရနံ့တွေနဲ့အတူ သူတို့တစ်တွေရဲ့ တိုက်ပွဲဝင် ၀ိညာဉ်တွေဟာလဲ လွင့်ပျံ့နေဆဲပါ။
မြန်မာပြည်ရဲ့ လမ်းတွေပေါ်မှာလဲ ကျဆုံးသွားခဲ့ကြတဲ့ ရဟန်းရှင်လူပြည်သူ တွေရဲ့ သွေးတွေစီးဆင်းဆဲ၊ ၀ိညာဉ်တွေ အော်ဟစ်နေဆဲပါပဲ။

မြန်မာ့သမိုင်းတစ်လျောက်မှာ ကိုလိုနီလက်အောက်က လွတ်မြောက်ဖို့ တိုက်ပွဲဝင်ခဲ့ကြပြီးပြီ။ ဖက်စစ်စံနစ်ဆိုးကိုလည်း လက်တွဲညီညီ တွန်းလှန်ခဲ့ကြပြီ။ ဒါပေမယ့် ဒီအဖိုးတန်မြေပေါ်မှာ ကျွန်တော်တို့ဘိုးဘွားတွေ၊ ကျွန်တော်တို့ရဲ့ မျိုးချစ်ခေါင်းဆောင်တွေ နဲ့ ပြည်ထောင်စုဖခင် ဗိုလ်ချုပ်အောင်ဆန်း လိုလားတောင့်တခဲ့တဲ့ ကမ္ဘာ့အလယ်မှာ အဆင့်အတန်းမှီမှီ ကမ္ဘာ့တေးသံနဲ့ အတူလိုက်ကနိုင်တဲ့၊ ကမ္ဘာကြည့် ကြည့်နိုင်တဲ့ တကယ့်အဖိုးတန် တိုင်းပြည်တစ်ခုအဆင့်ကို ရောက်ရှိဖို့ တိုက်ပွဲဝင်နေရဆဲပါပဲ။

နိုင်ငံလွတ်လပ်ရေးတိုက်ပွဲတစ်လျောက် ပြည်သူနဲ့ လက်တွဲညီညီ ပူးပေါင်းခဲ့တဲ့၊ ပြည်သူရဲ့ ထောက်ခံအားပေးမှုတွေနဲ့ တိုက်ပွဲတွေအနိုင်ယူနိုင်ခဲ့တဲ့ တပ်မတော်ဟာ အခုအချိန်မှာတော့ လက်တစ်ဆုပ်စာ စစ်အာဏာရူး ဘိုချုပ်တစ်စုကောင်းစားဖို့အတွက် တိုင်းပြည်ကို သစ္စာဖောက်နေတာတွေ့တာ ရင်နာစရာပါ။ နေ့တိုင်းရွတ်ဆိုနေရတဲ့ “နိုင်ငံတော်နှင့် နိုင်ငံသားတို့၏ သစ္စာကို စောင့်သိရိုသေပါမည်” ဆိုတဲ့ သစ္စာစကားကို ချိုးဖောက်နေပါတယ်။ ပြည်သူကကျွေးတဲ့ ထမင်းကိုစား၊ ပြည်သူကပေးတဲ့ ယူနီဖောင်းကိုဝတ်၊ ပြည်သူ့ဘဏ္ဍာနဲ့ ၀ယ်ထားတဲ့ လက်နက်နဲ့ ပြည်သူကို ပြန်သတ်နေတဲ့ တပ်မတော်ကို ဘယ်လိုစကားမျိုးနဲ့ ဘယ်လိုပြောရမှန်းတောင် စကားလုံးရှာမရနိုင်တော့ပါဘူး။ တိုင်းပြည်လူထုက ထောက်ခံမှုမရှိ ရွံ့ရှာမုန်းတီးနေတဲ့ အာဏာရူးဘိုချုပ်တစ်စုရဲ့ ထားရာနေ၊ စေရာသွား၊ ခိုင်းတာလုပ်၊ ကျွန်သာသာဘ၀က ဘယ်တော့မှများ ရုန်းထွက်နိုင်ပြီး ပြည်သူချစ်တဲ့ ပြည်သူ့တပ်မတော် ဖြစ်လာမှာလဲ။ တွေးလေတွေးလေ မှုန်ဝါးလေလေပါပဲ။ စစ်သား၊ တပ်မတော်သား ဆိုတဲ့ နာမည်ကို ခံယူပြီး စစ်သွေးစစ်မာန်တွေ ကိုယ်ထဲမှာမရှိပဲ ကြောက်သွေး ကြောက်စိတ် အကြောက်တရားနဲ့ပဲ လက်နက်မဲ့ ပြည်သူကို ဆက်ပြီးသတ်ဖြတ် ဖိနှိပ်နေကြဦးမှာလား။ အမှန်တရားကို သေသေချာချာ ဝေဖန်ပိုင်းခြားပြီး သတ္တိရှိရှိ ပြည်သူ့တပ်မတော်သား အစစ်ဘ၀ကို ပြန်ရောက်အောင်ကြိုးစားကြပါလို့ တပ်မတော်တစ်ခုလုံးကို တိုက်တွန်းလိုက်ပါတယ်။

တပ်မတော်အတွက် တပ်မတော်ရဲ့ဖခင် ဗိုလ်ချုပ်အောင်ဆန်းရဲ့ ရဲ့ရင့်ပြတ်သားတဲ့ သမိုင်းဝင် မိန့်ခွန်းကောက်နုတ်ချက်လေးကို လက်ဆောင်ပါးလိုက်ရပါတယ်။
“စစ်သားမဟုတ်ပေမယ့် နိုင်ငံအတွက် အမျိုးမျိုးအနစ်နာခံ၊ အမျိုးမျိုးစွန့်စား လုပ်ကြတဲ့သူတွေလည်း ရှိတာပဲ။ အဲဒါကြောင့် စစ်သားမှ စစ်သားဆိုတဲ့ စိတ်ဓါတ်ကို ပြောင်းကြရမယ်။ ငါတို့ဟာ လက်နက်ကိုင်တွေဖြစ်ကြသော်လည်း မတရားမလုပ်၊ နိုင်ငံရဲ့ ရန်သူတွေမဟုတ်၊ နိုင်ငံရဲ့ မိတ်ဆွေတွေဆိုတာကို သဘောပေါက်ရမယ်။”
ကဲ … တပ်မတော်သားအသင်၊ သင်ဟာ နိုင်ငံရဲ့ ရန်သူလား၊ နိုင်ငံရဲ့ မိတ်ဆွေလား၊ သင်ကိုယ်တိုင် ရွေးချယ်ပါ။ အဲဒါ သင့် သမိုင်း။

တပ်မတော်က သူ့သမိုင်းသူရေးနေချိန်မှာ ကျွန်တော်တို့ကလည်း ကျွန်တော်တို့ရဲ့သမိုင်း ဒီမိုကရေစီတိုက်ပွဲ ခေါ်ဆောင်ရာကို လိုက်ပါနေရဦးမှာပါပဲ။ လူပီသတဲ့၊ လူ့အခွင့်အရေးတွေ အပြည့်အ၀ရှိတဲ့ လွတ်လပ်တဲ့ ဒီမိုကရေစီနိုင်ငံတော်ကြီး ပေါ်ထွန်းလာဖို့၊ အာဏာရှင်ဝါဒ ဖက်စစ်ဝါဒီတွေ ကျဆုံးဖို့ ဆုံးခန်းတိုင်အောင်တိုက်ပွဲဝင်ရဦးမှာပါ။ လူသားဝါဒ ထွန်းကားတဲ့ တကယ့်အဖိုးတန်မြေဖြစ်ဖို့၊ တိုက်ပွဲဝင်ရင်း ကျဆုံးသွားခဲ့ကြတဲ့ နောင်တော်အစ်မတော်၊ ညီအစ်ကို ညီအစ်မတော်တွေ၊ ရဟန်းရှင်လူ ပြည်သူတွေရဲ့ မငြိမ်းချမ်းနိုင်သေးတဲ့ တိုက်ပွဲဝင် ၀ိညာဉ်တွေ ငြိမ်းအေးရာရဖို့ ခိုလှုံစရာ ဒီမိုကရေစီနိုင်ငံတော်သစ်ကို အမြန်ဆုံး ဆောင်ကျဉ်းပေးနိုင်အောင် ညီညီညွတ်ညွတ် ဆထက်ထမ်းပိုး ကြိုးစားကြခြင်းဖြင့် သူတို့တစ်တွေရဲ့ ၀ိညာဉ်တွေကို အနားယူအိပ်စက်ပါစေတော့….။

(ဒီပို့စ်လေးနဲ့ အတူတွဲပါတဲ့ video file လေးက အင်တာနက်က ရှာဖွေထားတဲ့ ဓါတ်ပုံတွေ၊ video clips တွေကို ကျွန်တော် ပြန်ပြီး edit လုပ်ထားတာပါ။ မူရင်း ရိုက်ကူးသူတွေ၊ အင်တာနက် စာမျက်နှာတွေပေါ် ဝေမျှပေးသူတွေကို ဆက်သွယ်ပြီး ခွင့်မတောင်းနိုင်ခဲ့တာကို နားလည်ခွင့်လွတ်ပေးနိုင်မယ်လို့ မျှော်လင့်ပါတယ်။
လေးစားစွာဖြင့်။
Vanko)

(I garnered these pictures and video clips from various internet web sites. And I’d like to apologize to those who recorded, created and shared this evidence of bloody, bitter memories of Burma’s bloodiest struggle for democracy for I couldn’t contact and ask for permissions. And I also hope that they will understand and forgive me.
Regards,
Vanko)