အမေရိကန် သမ္မတရွေးကောက်ပွဲကို အခု နိုဝင်ဘာ ၄ ရက်နေ့မှာ ကျင်းပတော့ပါမယ်။ အခုရွေးကောက်ပွဲကနေ အမေရိကန်ပြည်ထောင်စုရဲ့ ၅၆ ကြိမ်မြောက်ရွေးကောက်ပွဲကနေ ၄၄ ဦးမြောက် သမ္မတကို ရွေးချယ်မှာ ဖြစ်ပါတယ်။ အားလုံးသိကြတဲ့အတိုင်း ရီပက်ဘလစ်ကန်ပါတီက ဂျွန်မက်ကိန်းကို သမ္မတလောင်းအဖြစ် အမည်တင်သွင်းထားပြီး ဒီမိုကရက်တစ်ပါတီကတော့ အိုဘားမားကို အမည်တင်သွင်းထားပါတယ်။ အကြိုကောက်ယူထားတဲ့ စစ်တမ်းများအရ အိုဘားမားက ဂျွန်မက်ကိန်းထက် နှာတစ်ဖျား အသာရနေတယ်လို့ ဆိုပါတယ်။ အကယ်၍ အိုဘားမားသာ အနိုင်ရခဲ့ရင် အမေရိကန်ပြည်ထောင်စုရဲ့ ပထမဆုံးလူမည်းသမ္မတ ဖြစ်လာမှာပါ။ အမေရိကန် သမ္မတသစ်ရဲ့ ပေါ်လစီသစ်ဟာ အာရှနိုင်ငံတွေအပေါ် ဘယ်လိုအကျိုးသက်ရောက်မှုတွေ ဖြစ်လာနိုင်သလဲလို့ မှန်းဆချက်တွေလည်းပေါ်ထွက်နေပါတယ်။

တကယ်တော့ ဂျွန်မက်ကိန်းရော အိုဘားမားပါ အာရှနဲ့ပတ်သက်တဲ့ မတူညီတဲ့ အတွေ့အကြုံတွေ ရှိကြပါတယ်။ ဗီယက်နမ်စစ်ပြန် သူရဲကောင်းဆုတံဆိပ်တွေရထားတဲ့ ဂျွန်မက်ကိန်းဟာ စစ်ပွဲအတွင်းမှာ သူ့ရဲ့ ဗုံးကြဲလေယဉ် ပစ်ချခံရပြီး နာမည်ဆိုးနဲ့ ကျော်ကြားတဲ့ "Hanoi Hilton" အကျဉ်းထောင်မှာ ၁၉၆၇ ခုနှစ်ကနေ ၁၉၇၃ ခုနှစ်အထိ စစ်သုံ့ပန်းအဖြစ် ဖမ်းဆီးထားခြင်းခံခဲ့ရပြီး ညှဉ်းပမ်းနှိပ်စက်ခံခဲ့ရပါတယ်။

အိုဘားမားကတော့ ငယ်ရွယ်စဉ်ဘ၀မှာ အင်ဒိုနီးရှား ဂျကာတာမှာရှိတဲ့ မွတ်စလင်ကျောင်းတစ်ကျောင်းမှာ ၁၉၆၉ ကနေ ၁၉၇၁ အထိ ပညာသင်ကြားခဲ့ဘူးပါတယ်။ တကယ့်ကို မတူညီတဲ့ အာရှအတွေ့အကြုံနှစ်ခုပါ။ လေ့လာသူတစ်ချို့ကတော့ အိုဘားမားရဲ့ အာရှအတွေ့အကြုံဟာ ကနေ့အမေရိကန်နိုင်ငံ ရင်ဆိုင်နေရတဲ့ ပြဿနာတွေနဲ့ ပိုပြီးစပ်ဆက်မှုရှိတယ်လို့ ယူဆကြပါတယ်။ အိုဘားမားရဲ့ မွတ်စလင်ကျောင်းအတွေ့အကြုံကနေ war on terrorism လို့ သမ္မတဘုရ်ှသုံးစွဲခဲ့တဲ့ စစ်ပွဲကို ချဉ်းကပ်ပုံအသစ်နဲ့ ကိုင်တွယ်နိုင်လိမ့်မယ်လို့ မျှော်လင့်နေကြပါတယ်။ ဒါပေမယ့် ကျွန်တော့်အမြင်ပြောရရင်တော့ ၁၀ နှစ်သားကလေးတစ်ယောက်ရဲ့ မွတ်စလင်ကျောင်းတော် အတွေ့အကြုံကနေ တကမ္ဘာလုံးအတိုင်းအတာနဲ့ ရင်ဆိုင်နေရတဲ့ အကြမ်းဖက်မှုတိုက်ဖျက်ရေး စစ်ပွဲကြီးကို အိုဘားမားအနေနဲ့ တကယ်ပဲ ချဉ်းကပ်မှုအသစ်တွေ ဖေါ်ထုတ်ကိုယ်တွယ်နိုင်ပါ့မလားဆိုတာ သံသယရှိစရာပါ။

တကယ်ကတော့ သမ္မတသစ်ကို သမ္မတဟောင်း ဂျော့ဒဗလျူဘုရှ် အာရှမှာစွမ်းဆောင်ခဲ့တာတွေနဲ့ပဲ ယှဉ်ထိုးပြီး အာရှက အကဲဖြတ်ကြမှာပါ။ သမ္မတဘုရ်ှဟာ ငွေကြေးဈေးကွက် ထိုးကျမှု၊ မမျှော်လင့်တဲ့ စီးပွားရေးအကျပ်အတည်း ပေါ်ပေါက်လာမှုတွေကြောင့် ပြည်တွင်းမှာ သိပ်နာမည်ကောင်းမရပေမယ့် အာရှမှာတော့ သူ့အစိုးရအဖွဲ့အနေနဲ့ အထင်ကြီးလောက်စရာ စွမ်းဆောင်မှုတချို့ လုပ်ပြခဲ့ပါတယ်။

ဥပမာပြောရရင် သမ္မတဘုရ်ှနဲ့ သမ္မတကတော် လော်ရာဘုရ်ှတို့ နှစ်ဦးစလုံးဟာ ဒေါ်အောင်ဆန်းစုကြည်ကို စွဲစွဲမြဲမြဲ ထောက်ခံတဲ့သူတွေ ဖြစ်ပါတယ်။ ဒီပေါ်လစီဟာ နောက်တက်မယ့် သမ္မတ ဘယ်သူပဲဖြစ်ဖြစ် ပြောင်းလဲသွားစရာ မမြင်သေးပါဘူး။ ဒါနဲ့ပတ်သက်လို့ US Campaign for Burma ရဲ့ အမှုဆောင်ဒါရိုက်တာ ဦးအောင်ဒင်က အခုလိုပြောပါတယ်။
“မြန်မာ့အရေးဟာ နှစ်ပါတီစလုံးက အမြင်တူကြတဲ့ ရှားရှားပါးပါး ကိစ္စတစ်ခုဖြစ်ပါတယ်။ ရီပတ်ဘလစ်ကန်ရော ဒီမိုကရက်တစ်ကပါ မြန်မာပြည်နဲ့ပတ်သက်လို့ ပြင်းထန်တဲ့ ပေါ်လစီထားရှိဖို့ သဘောတူကြပါတယ်။ စစ်အစိုးရကို ပြင်းထန်တဲ့ စီးပွားရေးပိတ်ဆို့မှုတွေ လုပ်ဖို့၊ တရုတ်၊ အိန္ဒိယနဲ့ အာဆီယံနိုင်ငံတွေအပေါ်မှာ ပြင်းထန်တဲ့ သံတမန်ရေးရာ ဖိအားတွေပေးပြီး မြန်မာပြည်အရေးအတွက် အမေရိကန်နဲ့ ပူးပေါင်းလုပ်ကိုင်ကြဖို့၊ နောက် ကုလလုံခြုံရေးကောင်စီအနေနဲ့ ပိုမိုထိရောက်တဲ့ အရေးယူမှုတွေပြုလုပ်ဖို့ စတာတွေအပေါ်မှာ သဘောထား တူညီကြပါတယ်။ နောက်ပြီး ဂျွန်မက်ကိန်းရော အိုဘားမားရော နှစ်ယောက်စလုံးဟာ အမေရိကန် စီးနိတ်လွှတ်တော်ရဲ့ မြန်မာစစ်အစိုးရပေါ် အရေးယူဖို့ ဆုံးဖြတ်ချက်တွေမှာ အဓိကပံ့ပိုးထောက်ခံသူတွေ ဖြစ်ကြပါတယ်။”

အလားတူပဲ တရုတ်-အမေရိကန် ဆက်ဆံရေးဟာလည်း သိပ်ပြောင်းလဲမှုတွေ ရှိလာမှာမဟုတ်ပါဘူး။ တရုတ်ကြီးဟာ အမေရိကန်ရဲ့ လောလောလတ်လတ် ထိုင်ဝမ်ကို လက်နက်ရောင်းခဲ့တဲ့ကိစ္စနဲ့ ပတ်သက်ပြီး ကျွဲမြီးတိုနေပေမယ့် အခုလက်ရှိ ဆက်ဆံရေးကိုတော့ ကျေနပ်နေပုံရပါတယ်။ ဘယ်သူပဲ သမ္မတဖြစ်လာဖြစ်လာ လက်ရှိဆက်ဆံရေးကိုတော့ ပြောင်းလဲသွားနိုင်စရာမရှိပါဘူး။

“သမ္မတလောင်းနှစ်ဦးမှာ မတူညီမှုတွေရှိနေပေမယ့် ကျွန်တော်တို့အမြင်ကတော့ နှစ်ယောက်စလုံးအနေနဲ့ လက်ရှိ ကောင်းမွန်နေတဲ့ တရုတ်-အမေရိကန် ဆက်ဆံရေးကို ဆက်လက်ထိန်းသိမ်းသွားကြမယ်လို့ မျှော်လင့်ပါတယ်။ အိုဘားမားက ကုန်သွယ်ရေးမှာ နိုင်ငံသားပိုင်လုပ်ငန်းတွေကို အကာအကွယ်ပေးရေး ပေါ်လစီကို ကျင့်သုံးဖို့ အလားအလာရှိပြီး မက်ကိန်းကတော့ အမျိုးသားလုံခြုံရေးကိစ္စတွေမှာ ပိုပြီးပြင်းထန်တဲ့ ပေါ်လစီရှိပါတယ်။” လို့ ဘေဂျင်းပြည်သူ့တက္ကသိုလ်ရဲ့ နိုင်ငံတကာဆက်ဆံရေး ကျွမ်းကျင်သူ Shi Yinhong က ပြောပါတယ်။

ပိုပြီး စိတ်ဝင်စားစရာကောင်းတာက အိန္ဒိယနဲ့ ဆက်ဆံရေးပါ။ သမ္မတဘုရ်ှလက်ထက်မှာ အိန္ဒိယ-အမေရိကန်ဆက်ဆံရေးဟာ အစဉ်အလာမဟုတ်တဲ့ တိုးတက်ပြောင်းလဲမှုတွေ ရှိခဲ့ပါတယ်။ စစ်အေးခေတ်ကာလက ခပ်တင်းတင်းရှိခဲ့တဲ့ ကမ္ဘာအကြီးဆုံး ဒီမိုကရေစီ နှစ်နိုင်ငံဟာ စစ်အေးခေတ်ရဲ့ ခါးသီးမှုတွေကို ဖယ်ရှားနိုင်ခဲ့ပါတယ်။ ဘုရ်ှအစိုးရနဲ့ ဆင်း (Singh) အစိုးရတွေဟာ သူတို့ရာထူးသက်တမ်းမှာ တကယ့်ထင်ရှားတဲ့ နိုင်ငံခြားရေး ပေါ်လစီရေးရာ အောင်မြင်မှုတစ်ခုအနေနဲ့ အရပ်ဘက်သုံး နူကလီးယားအစီအစဉ်ကို ပူးပေါင်းဆောင်ရွက်ဖို့ လက်မှတ်ရေးထိုးနိုင်ခဲ့တာပါပဲ။

ဂျွန်မက်ကိန်းသာ သမ္မတဖြစ်လာခဲ့ရင် ဘုရ်ှအစိုးရပေါ်လစီအတိုင်းပဲ အိန္ဒိယ-အမေရိကန်ဆက်ဆံရေးကို ပိုမိုကောင်းမွန်အောင် ဆောင်ရွက်မယ်လို့ မျှော်လင့်နိုင်ပေမယ့် အိုဘားမားသာ အနိုင်ရခဲ့ရင်တော့ အိန္ဒိယအတွက် အချို့အခက်အခဲတွေ ကြုံတွေ့လာနိုင်ပါတယ်။ ဘာလို့လဲဆိုတော့ အိန္ဒိယမှာ အမေရိကရဲ့ outsourcing ခေါ်တဲ့ ပြင်ပမှာရင်းမြစ်ရှာတဲ့ လုပ်ငန်းတွေ အများအပြား အခြေကျနေပြီး အိုဘားမားအနေနဲ့ ဒီ outsourcing ကို မျက်စိစပါးမွှေးစူးနေတဲ့ပုံ ပေါ်ပါတယ်။ outsourcing ကြောင့် အမေရိကန်ပြည်သူတွေ အလုပ်အကိုင် ရှားပါးလာရတယ်လို့ သူကယူဆထားပါတယ်။ သူသာ သမ္မတဖြစ်လာခဲ့ရင် ဒီလုပ်ငန်းတွေကို ကန့်သတ်ချုပ်ကိုင်မှုတွေ လုပ်လာမှာပါ။ ဒါဟာ အိန္ဒိယအတွက် ကောင်းတဲ့လက္ခဏာတော့ မဟုတ်ပါဘူး။

နောက်ပြီး အိုဘားမားဟာ အိန္ဒိယ-အမေရိကန် အရပ်ဘက်သုံးနူကလီးယားအစီအစဉ် သဘောတူညီချက်ကိုလည်း ပိတ်ပင်ဖို့ ကြိုးစားခဲ့ဘူးပါတယ်။ ဒီကဏ္ဍမှာလည်း ရာသီဥတုအခြေအနေ ဆိုးရွားကောင်း ဆိုးရွားသွားနိုင်ပါတယ်။ ဒါပေမယ့် ဘယ်သူပဲ သမ္မတဖြစ်လာဖြစ်လာ အိန္ဒိယအပေါ်တော့ ရန်လိုမယ့် အလားအလာတော့မရှိပါဘူး။ ဘာလို့လဲဆိုတော့ အိန္ဒိယ-အမေရိကန် ဆက်ဆံရေးဟာ သူ့ဟာနဲ့သူ အရှိန်ရနေပြီဖြစ်လို့ပါပဲလို့ အမည်မဖော်လိုတဲ့ အိန္ဒိယနိုင်ငံခြားရေးဝန်ကြီးဌာနရဲ့ အရာရှိတစ်ဦးကပြောပါတယ်။

အာရှအစိုးရတွေကတော့ လွတ်လပ်တဲ့ကုန်သွယ်ရေးကိစ္စတွေနဲ့ ဒီမိုကရက်တစ် အိုဘားမားအနေနဲ့ ကမ္ဘာလုံးဆိုင်ရာ အခင်းအကျင်းတစ်ခုလုံးမှာ ဘယ်လိုလှုပ်ရှားမလဲဆိုတာကို ပိုပြီးစိုးရိမ်ကြပါတယ်။

“မက်ကိန်းရဲ့ စီးပွားရေးပေါ်လစီက ပွင့်လင်းပါတယ်။ ပြင်ပမှာရင်းမြစ်ရှာဖွေခြင်း outsourcing နဲ့ လွတ်လပ်တဲ့ကုန်သွယ်ရေးတွေမှာ ဘာပြဿနာမှ မရှိနိုင်ပါဘူး။ အိုဘားမားကတော့ outsourcing လုပ်ငန်းတွေကို တားမြစ်မယ်လို့ ပြောထားပါတယ်။ နောက်ပြီး ကန့်သတ်ချုပ်ချယ်မှု စည်းမျဉ်းတွေကို အသုံးပြုပြီး အမေရိကရဲ့ စီးပွားရေးလုပ်ငန်းတွေကို အကာအကွယ်ပေးမယ်လို့ ပြောပါတယ်။ ဒါဟာ အိန္ဒိယအတွက်တော့ ဘယ်လိုမှ အကျိုးအမြတ်ဖြစ်မလာနိုင်ပါဘူး” လို့ နယူးဒေလီအခြေစိုက် မဟာဗျူဟာ လေ့လာသုံးသပ်ရေးဌာနတစ်ခုရဲ့ ဒါရိုက်တာ Mr. Deepankar Bannerjee ကပြောပါတယ်။ ဒါပေမယ့် အိုဘားမားဟာ အိန္ဒိယပြည်သူအများစုအကြားမှာ ပိုပြီးရေပန်းစားနေတယ်လို့လည်း သူကထပ်ပြောပါတယ်။

နောက်ထပ် နယူးဒေလီအခြေစိုက် strategic think tank တစ်ခုဖြစ်တဲ့ Institute of Defence Studies and Analyses က Mr. Cherian Samuel ကတော့ အခုလို ပြောပါတယ်။ “ အိုဘားမား အနိုင်ရခဲ့ရင် ကမ္ဘာအတွက်ရော အိန္ဒိယအတွက်ပါ ပိုပြီးအပြုသဘောဆောင်လာနိုင်ပါတယ်။”

ကျောင်းသားခေါင်းဆောင် ကိုမိုးသီးဇွန်ကတော့ ဂျွန်မက်ကိန်းကို ထောက်ခံတယ်လို့ ပြောပါတယ်။ “မက်ကိန်းက မြန်မာပြည်အရေးကို တော်တော်လေး စိတ်ဝင်စားတယ်။ ပြီးတော့ သူက မြန်မာပြည်ကိုလည်း ရောက်ဖူးတယ်။ မြန်မာစစ်အစိုးရကို စီးပွားရေးပိတ်ဆို့တဲ့ ကိစ္စတွေမှာလည်း သူက အားတက်သရော ဦးဆောင် ခဲ့တာ” (ဧရာဝတီ သတင်း)

၁၉၉၀ ပြည့်နှစ်က ဂျွန်မက်ကိန်းသည် အမေရိကန်နိုင်ငံ၊ အရီဇိုးနားပြည်နယ် လွှတ်တော်အမတ်အဖြစ် မြန်မာပြည်သို့ သွားရောက်လည်ပတ်ရင်း မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တွေ့ဆုံခဲ့သည်။ ထိုစဉ်က “ဒေါ်အောင်ဆန်းစုကြည်ဟာ ကျနော်တွေ့ဆုံဖူးသမျှထဲမှာ အကြီးမြတ်ဆုံး လူသားပဲ” ဟု ပြောဆိုခဲ့သည်။

လက်ရှိ အမေရိကန်သမ္မတ ဂျော့ရ်ှဒဗလျူဘုရှ်၏ ဇနီးဖြစ်သူ လော်ရာဘုရ်ှကဲ့သို့ပင် ဂျွန်မက်ကိန်း၏ ဇနီးသည် စင်ဒီ မက်ကိန်းသည်လည်း မြန်မာစစ်အစိုးရကို ဝေဖန်ရှုတ်ချသူ တဦးဖြစ်သည်။ ဇွန်လက ဗီယက်နမ်နိုင်ငံသို့ သွားရောက် လည်ပတ်ရင်း မြန်မာအစိုးရသည် လူ့အဖွဲ့အစည်းအတွက် တန်းဖိုးမရှိဟု စင်ဒီမက်ကိန်းက ဝေဖန်ခဲ့သေးသည်။ (ဧရာဝတီ သတင်း)

သို့ရာတွင် အမေရိကန်နိုင်ငံသား မြန်မာတဦးဖြစ်သူ ကိုရွှေ၏ အမြင်ကမူ ကိုမိုးသီးဇွန်နှင့် ဆန့်ကျင်ဘက် ဖြစ်နေသည်။ သူက လာမည့် နိုဝင်ဘာ ၄ ရက်နေ့တွင် ပြုလုပ်မည့် ဆန္ဒခံယူပွဲတွင် အိုဘားမားကို သမ္မတအဖြစ် မဲပေးမည်ဟု ဆို၏။

“သမ္မတ ကလင်တန်လက်ထက်က ကျနော် အမေရိကားကို စရောက်တာ။ အဲဒီတုန်းက အလုပ် အလွယ်တကူ ရခဲ့တယ်။ ဒါပေမယ့် သမ္မတဘုရ်ှလည်း တက်လာရော နိုင်းအလဲဗင်း (9/ 11) ပြဿနာဖြစ်ရော။ အဲဒီ နောက်ပိုင်းမှာ ကျနော်တို့ တော်တော်လေး ရုန်းကန်ကြရတယ်။ ရီပတ်ဘလစ်ကန် သမ္မတ သက်တမ်း ၂ ဆက်အတွင်း စီးပွားရေး လုံးဝ ကျဆင်း တာကို ပြတာပဲ။ ဒီအကျိုးဆက်ကို အမေရိကန်မှာ နေတဲ့သူတွေ အားလုံး ခံနေရတာ” ဟု ကိုရွှေက ပြောပြသည်။ (ဧရာဝတီ သတင်း)

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေး အဖွဲ့၏ အတွင်းရေးမှူး ဦးဘိုကြည်ကမူ ဂျွန်မက်ကိန်းနှင့် အိုဘားမား ၂ ဦးစလုံးပင် မြန်မာနိုင်ငံအပေါ် ထားရှိသည့် သဘောထား အတူတူပင်ဖြစ် သောကြောင့် မည်သူအနိုင်ရသည်ဖြစ်စေ မြန်မာနိုင်ငံ ဒီမိုကရေစီအရေးအတွက် အရေးမကြီးလှဟု ဆိုသည်။
ရန်ကုန်တွင် နေထိုင်သည့် ဝါရင့်နိုင်ငံရေးသမားတဦးဖြစ်သူ ဦးချန်ထွန်းက “အိုဘားမား အနိုင်ရရင် ကမ္ဘာကြီး အတွက် ကောင်းတယ်။ ဂျွန်မက်ကိန်းနိုင်ရင်တော့ မြန်မာပြည်အတွက် ကောင်းတယ်” ဟု သုံးသပ်သည်။ (ဧရာဝတီ သတင်း)

Bangkok Post ပါ Deutsche Presse-Agentur (dpa) သတင်းကို မှီငြမ်းပါသည်။